په اسلامي سیاسي نظام کې د تخنیکي او مسلکي زدهکړو ځای او رول
د بهرنیو چارو وزارت د ډیپلوماسۍ انسټیټیوټ رئیس مفتي نورالله عزام د تخنیکي او مسلکي زدهکړو ادارې په یوه اصلاحي ناسته کې د اسلامي نظام د ساتنې او پیاوړتیا په برخه کې د مسلکي زدهکړو پر اهمیت او رول خبرې وکړې.
نوموړي په خپلو خبرو کې څرګنده کړه چې د اسلام مبارک دین یوازې د عبادت دین نه دی، بلکې د اسلامي سیاسي نظام ټینګښت هم د مسلمانانو له اساسي مسؤلیتونو څخه دی.
هغه زیاته کړه چې اقتصاد، سیاست، ټولنیز ژوند او د مسلمانانو د ژوند نور اړخونه په اسلامي سیاسي نظام کې ځانګړی ځای لري او دین هېڅکله له سیاست څخه جلا نه دی، بلکې سیاست د دین له بنسټیزو برخو څخه ګڼل کېږي.
د ډیپلوماسۍ انسټیټیوټ رئیس همدارنګه د تخنیکي او مسلکي زدهکړو پر رول ټینګار وکړ او ویې ویل چې د نننیو شرایطو په نظر کې نیولو سره دا ډول زدهکړې د اسلامي سیاسي نظام په پیاوړتیا او ساتنه کې ډېر مهم رول لري.
نوموړي څرګنده کړه چې تخنیک او مسلک د هېواد د نن او راتلونکي لپاره ځانګړی ارزښت لري او د اسلامي نظام د پیاوړتیا لپاره حیاتي دي، او مسؤلان د دې برخې د لا پیاوړتیا لپاره ژمن دي.
په دې ناسته کې نور اړوند موضوعات هم مطرح شول او غونډه د خیر په دعا سره پای ته ورسېده.
