د ادارې، مدیریت او سوداګرۍ له پروګرامونو څخه د لسګونه زدهکوونکو فراغت
د بغلان ولایت د تخنیکي او مسلکي زدهکړو آمریت مسؤلین وايي چې شاوخوا ۸۰ تنه زدهکوونکي د تخنیکي او مسلکي زدهکړو مرکزونو د ادارې او مدیریت، ادارې او سوداګرۍ او بانکدارۍ له پروګرامونو څخه فارغ شوي دي.
په یادو مراسمو کې یو شمېر سیمه ییزو مسؤلینو، عالمانو او قومي مشرانو ګډون کړی وه چې د غونډې په ادامه کې یې خپلې عالمانه ویناوې هم وکړې.
د مراسمو ویناوالو د ټولنې په پرمختګ او ځان بسیاینې کې د تخنیکي او مسلکي زدهکړو رول مهم وباله او زیاته یې کړه چې د فارغ شویو ځوانانو لپاره د دندو د رامنځته کولو لپاره باید ډیرې هڅې وشي.
دا مراسم په داسې حال کې ترسره کیږي چې تر اوسه سلګونه زدهکوونکي د تخنیکي او مسلکي زدهکړو ادارې له مختلفو پروګرامونو څخه فارغ شوي دي.
