د میدان وردګو ولایت سیدآباد کثیرالرشتوي انسټيټوټ زده کوونکو د برښنا په اړه عملي روزنه ترلاسه کړه
د میدان وردګو ولايت سیداآباد ولسوالۍ کثیرالرشتوي انسټيټوټ د دولسم ټولګي زده کوونکو د یاد ولایت اړوند سب استیشن ته د علمي سفر په ترڅ کې د بريښنا په اړه په عملي بڼه روزنه ترلاسه کړه.
لارښود استاد د علمي سفر په ترڅ کې زده کوونکو ته د سب استیشن اړوند تجهیزاتو په اړه په مفصله توګه توضیحات وړاندې کړل او د نوموړو پوښتنو ته یې ځوابونه وویل.
د تخنيکي او مسلکي زده کړو په مرکزونو کې د زده کړو لویه برخه عملي ده، څرنګه چې د تخنيکي او مسلکي زده کړو د مرکزونو فارغان له فراغت وروسته په مستقيم ډول د کار بازار ته جزبیږي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
