د تنګي نوردرې کثیرالرشتوي انسټيټوټ او لوگر ولایت د مخابراتو ریاست ترمنځ د همکاریو هوکړه لیک لاسلیک شو
په میدان وردګو ولایت کې د تخنیکي او مسلکي زده کړو آمریت مسؤولین وايي چې ددې آمریت اړوند ټینګی نوردرې کثیرالشتوي انسټيټوټ، د لوگر ولایت د مخابرات او معلوماتي ټکنالوژۍ له ریاست سره د ګډو همکاریو هوکړهلیک لاسلیک کړی.
د مسؤولینو په وینا، د دغه هوکړهلیک د لاسلیک کولو موخه د ګډو همکاریو پراختیا او د زده کوونکو لپاره د عملي زده کړو زمینې برابرول دي.
همدارنګه د زده کوونکو لپاره د پرکتیکو او عملي دورو پلي کول د هغو موادو څخه دي چې په دې هوکړهلیک کې پرې تمرکز شوی دی.
همدا راز، ددې هوکړه لیک د لاسلیک کولو پر مهال د لوګر ولایت د مخابراتو رئیس د هر اړخیزو همکاریو ډاډ ورکړ.
دا په داسې حال کې ده چې د تخنیکي او مسلکي زده کړو ادارې مشرتابه تل هڅه کوي چې د خصوصي او دولتي ادارو سره د هوکړهلیکونو په لاسلیک کولو سره د محصلینو او زده کونکو لپاره د پرمختللو زدهکړو زمینه برابره کړی.
