د ساختمان د خط اندازۍ په برخه کې د دایمیرداد کثیرالرشتوي انسټیټوټ محصلینو د عملي زده کړو بهیر
د میدان وردګو ولایت اړوند دایمیرداد کثیرالرشتوي انسټيټوټ د ساختماني څانګې محصلینو د ساختمان د خط اچولو «خط اندازي» په اړه په عملي بڼه روزنه ترلاسه کړه.
نوموړو ته په دې درسي جلسه کې، د استاد له لوري د ګونیا او لیول ماشین په واسطه د ساختمان د خط اچولو «خط اندازۍ» په اړه په عملي ډول زده کړه ورکړل شوه، او د موضوع په اړه یې خپلې پوښتنې او سوالونه هم شریک کړل.
دغه راز په دوام کې لارښود استاد د خط اندازۍ په برخه کې د محصلینو پوښتنو ته مفصل ځوابونه ورکړل.
د تخنیکي او مسلکي زده کړو په مرکزونو کې د روزنې ډیری برخه عملي ده، څرنګه چې د تخنیکي او مسلکي زده کړو مرکزونو فراغان په مستقیم ډول د کار بازار ته جذب کیږي.
له همدې امله، د تخنیکي او مسلکي زده کړو ادارې رهبري تل د تخنیکي او مسلکي زده کړو په مرکزونو کې د عملي زده کړو پر پیاوړتیا ټینګار کوي.
