د لغمان ولایت مرکز اړوند تخنیکي او مسلکي لیسې د زده کونکو لخوا د عملي روزنو د زده کړې لړۍ
د لغمان ولایت د مرکز اړوند تخنیکي او مسلکي لېسې د بریښنا څانګې، یوولسم ټولګي زده کونکو د بریښنا په برخه کې د ولتاژ پروټکټور "ولتاژ محافظ" په اړه عملي روزنه ترلاسه کړه.
لارښود استاد په دې درسي جلسه کې نوموړو ته د ولتاژ پروټکټور "ولتاژ محافظ" ، د هغې د دندو او ارزښت په اړه مفصل توضیحات وړاندې کړل.
دغه راز استاد زده کونکو ته څرګنده کړه چې:ولتاژ پروټکټور "ولتاژ محافظ" هغه وسیله ده چې په یوه سرکټ کې د ولتاژ او جریان کنټرول او ساتنه کوي، ترڅو د ولتاژ غیر منظم زیاتوالي یا کمښت له امله د رامینځته شوي خطرونو مخه ونیسي.
په دوام کې استاد د موضوع په اړه د زده کونکو پوښتنو او سوالونو ته ځوابونه هم وړاندې کړل.
عملي زده کړې له محصلینو سره مرسته کوي ترڅو نوموړي له فراغت وروسته په مستقیم ډول د کار بازار کې جذب شي.
له همدې امله، د تخنیکي او مسلکي زده کړو ادارې رهبری تل هڅه کوي چې د تخنیکي او مسلکي زده کړو په مرکزونو کې د عملي زده کړو لړۍ لا پیاوړې کړي.
