په خوست میخانیکي انسټیټوټ کې د نیالګیو کینولو کمپاین پیل شو
د خوست ولایت په میخانیکي انسټیټوټ کې د یاد ښوونیز مرکز د کارمندانو په همکارۍ د نیالګیو کینولو کمپاین پیل شو.
ټاکل شوې ده چې دا پروسه به د راتلونکي کال تر وري «حمل» میاشتې پورې دوام وکړي، او د خوست میخانیکي انسټیټوټ شاوخوا ۱۲ جریبه ځمکه به په مثمر او غیرمثمره نیالګیو په کینولو سره سينګار شي.
د یوه نیالګي کینول، کولی شي د ککړتیا په له منځه وړلو او محو کولو کې اغیزمن رول ولوبوي، او سربیره پردې، دغه عمل ښکلا او سمسورتیا مینځ ته راوړي.
دا په داسې حال کې ده چې، د تخنیکي او مسلکي زده کړو ادارې رهبري تل هڅه کوي چې د تخنیکي او مسلکي زده کړو مرکزونو زده کونکو او محصلینو ته غوره اکاډمیک او زده کړییز چاپیریال چمتو کړي.
