د مالي او اداري چارو مرستیال د چارو ادارې له مسؤلینو سره وکتل
د تخنیکي او مسلکي زده کړو ادارې د مالي او اداري چارو مرستیال مفتي فضل الرحمن فاضل د یوې غونډې په ترڅ کې د چارو ادارې د اداري پروسو د ساده سازۍ له رییس ښاغلي بریالي ابدالي سره وکتل او خبرې اترې یې وکړې.
په دې ناسته کې، دواړو خواوو د تخنیکي او مسلکي زده کړو په اداره کې د مالي او تدارکاتي پروسو د ساده سازۍ په اړه بحث وکړ.
دغه راز په دې غونډه کې ګډونوالو خپل نظرونه او لیدلوري شریک کړل، او پریکړه وشوه چې په دې برخه کې باید یو ګډ ټیم خپل کار پیل او د خپلو کړنو ګزارشونه له مسؤلینو سره شریک کړي.
د یادونې وړ ده چې تر دې وړاندې هم د تخنیکي او مسلکي زده کړو په اداره کې د چارو ادارې په همکارۍ لسګونه اداري پروسې ساده شوي دي.
