د لغمان ولایت اړوند قرغيو کثیرالرشتوي انسټیټوټ زده کونکو ته د خاورې په اړه روزنه ورکړل شوه
د لغمان ولایت اړوند د قرغيو کثیرالرشتوي انسټیټوټ لسم ټولګي زده کونکو ته د "تخمونو د کرلو لپاره د زراعتي ځمکو چمتو کولو" په اړه په عملي بڼه روزنه ورکړل شوه.
دغه راز لارښود استاد د درس په ترڅ کې، نوموړو ته د کښت لپاره د زراعتي ځمکو چمتوالي او کیمیاوي ادویهجاتو د استعمال په اړه مفصل توضیحات ورکړل، او د هغوی پوښتنو ته یې هم ځوابونه وویل.
عملي زده کړې له محصلینو سره مرسته کوي تر څو هغوی د خپل د پوهاوي کچه لوړه او د کار بازار ته د جذب کېدو وړتیا تر لاسه کړي.
له همدې امله، د تخنیکي او مسلکي زده کړو ادارې رهبري تل د تخنیکي او مسلکي زده کړو په مرکزونو کې د عملي زده کړو پر لا پیاوړتیا ټینګار کوي.
