د پکتیا د تخنیکي او مسلکي زده کړو مرکزونو کارمندانو لپاره د ظرفیت لوړونې سیمینار ترسره شو
د پکتیا ولایت د تخنیکي او مسلکي زده کړو آمریت د ېاد ولایت د تخنیکي او مسلکي زده کړو مرکزونو د آمرینو او تدریسي مدیرانو لپاره ښوونیز سیمینار جوړ کړ.
په دې ښوونیز سیمینار کې، د نوموړو لپاره د کارکوونکو چارو، مالي چارو، نظارت او ارزونې او نور اړوند اداري مسایلو په ګډون پر بېلابېلو اداري موضوعاتو بحث وشو.
ګډونوالو هم په دې برخه کې خپل نظرونه او پوښتنې له یو بل سره شریکې کړې.
د پکتیا د تخنیکي او مسلکي زده کړو آمریت د مسولینو په وینا د دې روزنیز سیمینار د جوړولو څخه موخه د کارمندانو د پوهاوي کچې لوړول او په اداري کارونو کې د آسانتیا برابرول دي.
