په لوګر ولایت کې د محبوسینو تدریسي لړۍ دوام لري
د خیاطۍ څانګې لنډمهاله حرفوي روزنیز پروګرام د تدریس لړۍ، چې مخکې د لوګر د تخنیکي او مسلکي زده کړو آمریت لخوا د محبوسینو لپاره پیل شوې وه، دوام لري.
د دې پروګرام ګډونکوونکو د تخنیکي او مسلکي زده کړو ادارې څخه د ستاینې ترڅنګ د یادې ادارې له مسولینو وغوښتل چې دغه روزنیز پروګرام ته دوام ورکړي.
په ورته وخت کې، د لوګر د محبس مسولینو هم د تخنیکي او مسلکي زده کړو ادارې له دې اقدام څخه قدرداني وکړه. نوموړو زیاته کړه چې یاد پروګرامونه په ټولنه کې د محبوسینو د بیا ادغام کولو په برخه کې خورا مهم رول لوبوي.
د تخنیکي او مسلکي زده کړو ادارې او د زندانونو چارو د سمون ادارې ترمنځ د ګډو همکاریو د تفاهم لیک پر بنسټ، د تخنیکي او مسلکي زده کړو اداره د محبوسینو لپاره ښوونیز پروګرامونه پیلوي، چې موخه یې د فقر کمول او د محبوسینو لپاره د کاري زمینې برابرول دي.
