د تخنیکي او مسلکي زده کړو ملي ادارې او رڼا پوهنتون ترمنځ د همکارۍ تفاهم لیک لاسلیک شو
د کابل ولایت د تخنیکي او مسلکي زده کړو آمر ښاغلي استاد رفیع الله حبیبي د رڼا پوهنتون د محصلینو چارو له معاونیت سره د ګډو همکاریو تفاهم لیک لاسلیک کړ.
د دغه تفاهم لیک پر بنسټ به د دواړو بنسټونو د کارکوونکو او محصلینو لپاره د ظرفیت لوړونې ګډ پروګرامونه په لاره واچول شي.
دغه راز د تخنيکي او مسلکي زده کړو د مرکزونو د فارغانو لپاره په ځانګړي تخفيف سره د زده کړو زمينه برابرول هم د دغه تفاهم ليک له موادو څخه دي.
دا په داسې حال کې ده چې د تخنیکي او مسلکي زده کړو آمریت له دې وړاندې د اشنا او استقلال د لوړو زده کړو له موسسو سره هم د ګډو همکاریو تفاهم لیکونه لاسلیک کړي دي.
