د تخنیکي او مسلکي زده کړو ادارې اونیزه غونډه ترسره شوه

media_admin
یکشنبه ۱۴۰۲/۱۲/۶ - ۱۵:۵۳
tveta

د تخنیکي او مسلکي زده کړو ادارې د مشرتابه غونډه د مرستیالانو او ادارې د رئیسانو په شتون کې د مولوي غلام حیدر شهامت په مشرۍ ترسره شوه.

د دغه جلسې په پیل کې د تیرې جلسې په پرېکړو خبرې وشوې، او د اړوند برخو د اجرائاتو راپور واخیستل شو.

د ننۍ ورځې جلسه د اجنډا سره سم، د تخنیکي او مسلکي زده کړو ادارې د املاکو او کانتینونو په کرایه ورکولو باندې بحث وشو، او د خدمتونو او املاکو ریاست ته دنده ورکړل شوه ترڅو دغه موضوع تعقیب او نهایي کړي.

همدارنګه د حکمي او حقیقي کسانو د باقیاتو په هکله خبرې وشوې، او پرېکړه وشوه چې د باقیداریو په هکله لازمې کړنې ترسره شي.

نن ورځ د تخنیکي او مسلکي زده کړو ادارې په مشرتابه جلسه کې د تخنیکي او مسلکي زده کړو مرکزونو کې د شنې ساحې او مېوه لرونکو او بې مېوې ونو د اېښودلو په څرنګوالي بحث وشو، او ګډون کوونکو په دې هکله خپل نظرونه شریک کړل.

له بل پلوه، په ۱۴۰۳ کال کې د عامه پوهاوي په هکله هم خبرې اترې وشوې، پرېکړه وشوه چې د شته فرصت څخه په ګټه اخیستلو سره باید له رسنیو سره همغږي وشي ترڅو د عامه پوهاوي پروګرام لا پیاوړی کړي.

د دونرانو جذبول، د کار د بازار تحلیل، د مخترعینو ملاتړ له نورو موضوع ګانو څخه و چې نن ورځ د تخنیکي او مسلکي زده کړو ادارې د مشرتابه په غونډه کې پرې خبرې اترې وشوې. ښاغلي مولوي شهامت د چارو د ښه والي په موخه مسؤلینو ته اړینې لارښونې وکړې.

همدارنګه د دغه غونډې په پای کې د تدارکاتو آمریت د دغه آمریت د دوه وروستیو اونیو فعالیتونه له ګډون کوونکو سره شریک کړل.

د تخنیکي او مسلکي زده کړو ادارې سرپرست ټینګار وکړ چې د تدارکاتو کارونه باید په شفافه توګه ترسره شي.

ننی جلسه د افغانستان لپاره د خیر په دعا سره پای ته ورسېده.

تازه خبرونه

شنبه ۱۴۰۴/۱/۹ - ۱۱:۷
Background image

د بلخ سجادیه تخنیکي او مسلکي انسټیټوټ د استادانو لپاره د ظرفیت لوړونې سیمینار جوړ شو

د بلخ سجادیه تخنیکي او مسلکي انسټیټوټ یو شمېر استادانو لپاره د ظرفیت لوړولو درې ورځنی سیمینار جوړ شو. په یاد ښوونیز سیمینار کې ګډونوالو ته د کیفیت تدریس او د نوین ښوونیزو میتودونو د زده. . .

پنجشنبه ۱۴۰۴/۱/۷ - ۱۴:۶
Background image

د تخنیکي او مسلکي زده کړو ادارې له لوري د لومړي مقام ګټل!

تخنیکي او مسلکي زده کړو ادارې، د پوهنې او لوړو زده کړو وزارتونو سره په همغږي سره د "الماهر بالقرآن" په نوم د تلاوت سیالۍ ترسره کړه. په یاد پروګرام کې د تخنیکي او مسلکي زده کړو ادارې، د. . .

چهارشنبه ۱۴۰۴/۱/۶ - ۱۱:۲۱
Background image

د لغمان تخنیکي زده کړو آمریت او اقتصاد ریاست ترمنځ د همکارۍ تفاهم لیک لاسلیک شو

د لغمان ولایت د تخنیکي او مسلکي زده کړو آمریت د یاد ولایت له اقتصاد ریاست سره د ګډوهمکاریو تفاهم لیک لاسلیک کړ. د یاد تفاهم لیک پر بنسټ به د لغمان ولایت د ادارې او حسابدارۍ انسټيټوټ. . .

BACK TO NEWS