د تخنیکي او مسلکي زده کړو ادارې د تدارکاتو آمر معرفي شو
ښاغلی مولوي صیاد عمري د یو لړ مراسمو په ترڅ کې د تخنیکي او مسلکي زده کړو ادارې د تدارکاتو د آمر په توګه و پېژندل شو.
ښاغلي عمري د حقوقو په څانګه کې لېسانس لري، له دې مخکې یې په بېلابېلو برخو کې کار کړی دی.
د تدارکاتو آمر د پېژندګلوۍ په مراسمو کې، د تخنیکي او مسلکي زده کړو ادارې، د مالي او اداري چارو مرستیال ښاغلي مفتي فضل الرحمن فاضل او همدارنګه د دفتر مقام رئیس هم شتون درلود.
ښاغلي مفتي فاضل د مولوي عمري د معرفي په وخت کې وویل چې دنده یو امانت او مسؤلیت دی، باید په سمه توګه ترسره شي.