د تخنیکي او مسلکي زده کړو ادارې پنځه کلن پلان منظور شو
د تخنیکي او مسلکي زده کړو ادارې سرپرست ښاغلي مولوي غلام حیدر شهامت د دغې ادارې ستراتیژیک پلان منظور کړ.
دغه پلان چې د تخنيکي او مسلکي زده کړو ادارې راتلونکې پنځه کلنه کاري ستراتيژي يې په ګوته کړې ده؛ له بېلابېلو ناستو او مشورو وروسته د دغې ادارې د مشرتابه له خوا منظور شو.
په ورته وخت کې د تخنیکي او مسلکي زده کړو ادارې د پلان او ستراتیژیکې همغږۍ ریاست له ټولو هغو ادارو او نهادونو مننه وکړه چې د دغې ادارې د ستراتیژیک پلان د موادو په بډایه کولو کې یې همکاري کړې ده.
