د تخنیکی او مسلکي زده کړو ادارې مشرتابه د اروپایی هیوادونو له علماوو سره وکتل
د تخنیکی او مسلکی زده کړو ادارې سرپرست، مولوی غلام حیدر شهامت، د آلمان، ناروی او ډنمارک په ګډون د اروپایی هیوادونو د عالمانو له یوه پلاوی سره وکتل.
په دغه کتنه کې د تخنیکي او مسلکي زده کړو ادارې مرستیالانو مولوی غلام سعید احساس او مفتی فضل الرحمن فاضل او د دغه ادارې ځینې رئیسانو هم حضور درلود.
د اروپایی هېوادونو د علماوو پلاوي افغانستان ته د سفر په اړه خوښی څرګنده کړه.
محمد بیګ د پلاوي یو غړی وویل چې د افغانستان د هغه څه سره توپیر لری چې په رسنیو کې لیدلې او اورېدلې دي.
د تخنیکی او مسلکی زده کړو ادارې سرپرست په هیواد کې د اروپایی علماوو هرکلی وکړ او په تیرو دوه کلونو کې یې د اسلامی امارت لاسته راوړنو او پرمختګونو په اړه خبرې وکړې.
ښاغلي شهامت زیاته کړه، په هېواد کې امنیت تآمین شوی، فساد او نشه یی توکی له منځه تللی، لویې اقتصادی پروژې روانې دی او تورم هم کنټرول شوی دی.
د تخنیکی او مسلکی زده کړو ادارې سرپرست زیاته کړه چې په تېرو دوو لسیزو کې بهرنۍ مرستې اغېزمنې نه دی، خو اوس مهال د بهرنیو مرستو په نشتوالی کې د پرمختګ لپاره هڅې روانې دی.
ښاغلي شهامت د خپلو خبرو په یوه برخه کې وویل چې د اسلامی نظام برقراری او امنیت لپاره ټولو مجاهدینو له امیر المومنین (حفظه الله) څخه نیولی تر عادی مجاهد پورې قربانی ورکړې ده.
د تخنیکی او مسلکی چارو مرستیال مولوی غلام سعید احساس هم په دغه غونډه کې خبرې وکړې او ویې ویل چې د افغانستان د خلکو جهاد د الله د دین ساتنه ده.
ښاغلي احساس زیاته کړه، اسلامی هېوادونه باید د دغه نظام د پیاوړتیا لپاره د افغانستان له اسلامی امارت سره همکاری وکړی.
نوموړي د افغانستان په اړه منفی پروپاګند ته په اشارې سره وویل چې بهرنۍ حلقې رڼې ورځې د تیارو په څیر تورې تعرفوي.
محمد عظیم د اروپایی علماوو پلاوي بل غړی د اسلامی امارت بریا د اسلامی نړۍ بریا وبلله او د هر ډول همکارۍ ژمنه یې وکړه.
نوموړی پلاوي تخنیکی او مسلکی زده کړو ادارې سرپرست ته ډالۍ ورکړی.
ښاغلی شهامت د اسلامی هنر یو اثر د اروپایی هیوادونو علماوو پلاوي ته د ډالۍ په توګه ورکړ.
