د هوايي چلند انسټیټوټ د فارغانو فراغت مراسم ترسره شول
د هوايي چلند انسټیټوټ د فارغانو فراغت مراسم د افغانستان اسلامي امارت د عالي مقام د تخنیکي او مسلکي زده کړو ادارې د تخنیکي او مسلکي چارو معین مولوي غلام سعید احساس په ګډون د لوړ پوړو چارواکو په حضور کې ترسره شوه.
۵۲ تنه د هوایی ترافیک کنټرول (ATC) او هوایی چلند ټکنالوژۍ (CNS) څخه فارغ شول.
د نوموړو زده کړیالانو د فراغت مراسم د کابل په نړيوال هوايي ډګر کې ترسره شول.
په دغه مراسمو کې د ترانسپورت او هوايي چلند وزارت سرپرست وزير ملا حميدالله اخندزاده، د لوړو زده کړو وزارت سرپرست شيخ ندا محمد نديم او د تخنيکي او مسلکي چارو مرستيال مولوي غلام سعيد احساس ويناوې وکړې.
دغه مراسم د هوايي چلند د انسټیټوټ استادانو ته د ستاینلیکونو او فارغانو ته د ډیپلومونو په ورکولو سره پای ته ورسیدل.
د هوايي چلند انسټیټوټ هر کال د کانکور رقابتي ازموینې له لارې زده کونکي جذبوي.
د یاد انسټیټوټ زده کړیالان د دوو کلونو لپاره د هوایي چلند په تخصصي څانګو کې روزل کیږي.
