د تخنیکي او مسلکي زده کړو په اداره کې د اداري پروسو د ساده کولو د کمیټې کار بشپړ شو
د اداري اصلاحاتو او ملکي خدمتونو ادارې د ساده کولو د کمېټې کار چې د دغه ادارې له خوا د تخنیکي او مسلکي زده کړو په اداره کې د اداري پروسو د ساده کولو په موخه ټاکل شوی و، بشپړ شو.
د دغې کمېټې رئیس او غړو د خپل کار په پای کې د تخنیکي او مسلکي زده کړو ادارې له رئیس مولوي غلام حیدر شهامت، مرستیالانو او د دغې ادارې له یو شمېر رئیسانو سره خبرې وکړې.
د اداري اصلاحاتو او ملکي خدمتونو اداري د ساده کولو کمیټې د تخنیکي او مسلکي زده کړو ادارې د اداري پروسې په ساده کولو کې د همکارۍ مننه وکړه.
دغې کمېټې په دې وروستیو کې د تخنیکي او مسلکي زده کړو ادارې مشرتابه ته خپل راپور او رهنمودونه وړاندې کړې.
د يادونې وړ ده، چې د تخنيکي او مسلکي زده کړو په اداره کې ١٣٩ اداري پروسې ساده شوي دي. د دغه اقدام ترسره کولو موخه د اداري مراجعینو لپاره د اسانتیاوو برابرول دي.
