د دشت قلعه ولسوالۍ د کرنې د مسلکي انسټيټوټ په انګړ کې ۱۰۰ نیالګي کېښودل شوه
د نيالګيو کښېنولو د کمپاين په ترڅ کې د تخار ولايت د دشت قلعه ولسوالۍ د کرنې د مسلکي انسټیټوټ په انګړ کې سل زينتي نيالګي کېښودل شول.
په دغه کمپاين کې چې د اطلاعاتو او عامه اړيکو آمریت د تخنيکي او مسلکي زده کړو ادارې له خوا د دغه ادارې د نورو رياستونو او آمریتونو په همغږي پيل شوى، څه باندې ٢٤ زره نيالګي په کابل او نورو ولايتونو کې کښېنول شوي دي.
د دغه کمپاین موخه د تخنیکي او مسلکي زده کړو ادارې په تعلیمي مرکزونو کې د زرغونې فضا پراخول دي.
دغه نيالګي په مرکز او ولايتونو کې د تخنيکي او مسلکي زده کړو ادارې د کارکوونکو له خوا چمتو شوی دي.
