د کلتوري کمېټې په نوښت د نیالګیو کېنولو کمپاین ادامه لري
د تخنیکي او مسلکي زده کړو ادارې، د کلتوري کمېټې له خوا د نیالګیو کېنولو کمپاین په لاره اچولو سره تر اوسه په ټول هېواد کې سلګونه نیالګي د ولایتونو د تخنیکي آمریتونو او ځوانانو په مرسته کېنول شوي دي.
په پلان کې ده چې ددغه ۲۰ ورځني کمپاین ترپایه، د هېواد په بېلابېلو ولایتونو کې په زرګونو نیالګي کېنول شي.
همدارنګه، د تخنیکي او مسلکي زده کړو ادارې پلاوی په دغه ملي پروګرام کې د ګډون په موخه په سلګونو نیالګي د کابل په اتومیخانیکي اکاډمۍ کې کېنوي، چې اوس فی الحال ددغه ځمکې د هوارولو چارې روانې دي.
