د کاپیسا ولایت مرکز کثیرالرشتوي انسټيټوټ زده کوونکو ته د کیمیاوي تعاملاتو په اړه عملي روزنه ورکړل شوه
د کاپیسا ولایت مرکز کثیرالرشتوي انسټيټوټ د یوولسم ټولګي زده کوونکو ته د یاد تخنیکي مرکز په لابراتوار کې د یوې درسي جلسې په ترڅ کې د کیمیاوي تعاملاتو په اړه په عملي ډول روزنه ورکړل شوه.
لارښود استاد په دې درسي جلسه کې زده کوونکو ته کیمیاوي موادو د پيژندنې، د کیمیاوي موادو تعاملاتو او د موادو د کیمیاوي خاصیت په اړه په عملي ډول معلومات ورکړل.
همدارنګه په دې درسي جلسه کې د زده کوونکو ټولو پوښتنو ته ځوابونه وړندې شول.
د تخنیکي او مسلکي زده کړو په مرکزونو کې ډیری زده کړې عملي دي او د دې مرکزونو فارغین په مستقیم ډول د کار بازار ته جذبیږي.
