د کاپيسا ولایت معاون انجنيرۍ انسټيټوټ محصلینو د گلبهار برښنا سب اسټيشن له تجهیزاتو څخه ليدنه وکړه
د کاپيسا ولایت معاون انجنيرۍ انسټيټوټ د برق څانګې محصلينو د گلبهار برښنا سب اسټيشن له بیلابیلو تجهیزاتو څخه د یو علمي سفر په ترڅ کې ليدنه وکړه.
نوموړو همداراز د برق، سرکت بریکر او د سب اسټیشن د برښنايي تجهیزاتو د کارکرد څرنګوالي په اړه روزنه ترلاسه کړه.
په همدې حال کې د برق څانګې استاد په دغه علمي سفر کې د محصلینو پوښتنو ته ځوابونه وویل.
د تخنیکي او مسلکي زده کړو په مرکزونو کې د زده کړو لویه برخه عملي ده. له همدې امله د یادو مرکزونو زده کوونکي له فراغت وروسته په بازار کې دندې ترلاسه کوي.
