د کابل ښار د دری انسټیټونو تدریسي وضعیت وڅیړل شو
د تخنيکي او مسلکي زده کړو ادارې د تخنيکي او مسلکي چارو مرستيال مولوي غلام سعيد احساس په کابل ښار کې د ترنم او فرهنګ، ژورناليزم او کمپيوټر تکنالوژۍ انسټیټونو له تدريسي او اداري چارو څخه کتنه وکړه.
ښاغلي احساس د يادو درېيو انسټیټونو له زده کړیالانو او استادانو سره په خبرو کې د هغوى ستونزې او وړانديزونه واورېدل.
د تخنیکي او مسلکي چارو مرستیال ټینګار وکړ چې د تخنیکي او مسلکي زده کړو د کیفیت د لوړولو لپاره هڅې روانې دي.
ښاغلي احساس له زده کوونکو وغوښتل چې خپلو درسونو ته پاملرنه وکړي او خپل وخت ضایع نه کړي.
هغه زیاته کړه چې په نړۍ کې پرمختللي هېوادونه د پوهنې په برخه کې په هڅو سره خپل اوسني حالت ته رسېدلي دي.
