د کابل ولایت میخانیکي انسټيټوټ کې د موبايل ترمیم روزنیز پروګرام پیل شو
د کابل ولایت میخانیکي انسټیټیوټ مسولین په یاد ښوونیز مرکز کې د مبایل ترمیم د روزنیز پروګرام د پیل خبر ورکوي.
د نوموړو په وینا، په دې پروګرام کې به زده کوونکو ته د درېیو میاشتو لپاره په عملي او نظري ډول د موبايلونو د ترميمولو د څرنګوالي په اړه روزنه ورکړل شي، او نوموړي زده کوونکي به له فراغت وروسته په بازار کې د کار کولو وړتیا ترلاسه کړي.
حرفوي زده کړې د تخنیکي او مسلکي زده کړو ملي ادارې له مهمو پروګرامونو څخه دي، چې له بېلابېلو برخو څخه سلګونه تنه فارغ او په بازار کې په دندو ګمارل شوي دي.
