د کابل ولایت د تخنیکي او مسلکي زده کړو آمریت لخوا فراغت غونډه جوړه شوه

media_admin
یکشنبه ۱۴۰۳/۱۰/۹ - ۱۰:۱۷

د کابل ولایت د تخنیکي او مسلکي زده کړو آمریت د استالف، میربچه کوټ، شکردرې او کلکان ولسوالیو د تخنیکي او مسلکي زده کړو مرکزونو څخه د زده کوونکو د فراغت په پار شانداره غونډه جوړه کړه.

یاد پروګرام په ميربچه کوټ ولسوالۍ کې جوړ شو، چې په کې سيمه ييزو مسوولينو، علماوو او د تخنيکي او مسلکي زده کړو ادارې يو شمېر مسوولينو هم برخه اخيستې وه.

په دې خپرونه کې مشرانو او مسوولینو د خبرو پر مهال وویل چې تخنیکي او مسلکي زده کړې د هېواد په پرمختګ، ترقي او پر ځان بسیاینې کې مهم رول لري. نوموړو د تخنیکي او مسلکي زده کړو ادارې د پروګرامونو په ملاتړ هم ټینګار وکړ.

له بلې خوا په دې مراسمو کې ويناوالو له فارغ شويو ځوانانو وغوښتل چې له خپلو مهارتونو او پوهې څخه په استفادې د افغانستان د پرمختګ او بیارغونې په برخه کې لا زيات زیار او کوښښ وګالي.

دغه راز په همدې مراسمو کې د سولر سیسټم او خیاطۍ د لنډ مهاله حرفوي پروګرامونو یو شمېر فارغانو هم د درې میاشتني لنډ مهاله روزنیزو دورو له بشپړولو وروسته خپل فراغت ولمانځه.

د دغه پروګرام په وروستۍ برخه کې فارغ شویو محصلینو ته ستاینلیکونه ورکړل شول او مراسم د دعایې په ویلو سره پای ته ورسیدل.

تازه خبرونه

سه‌شنبه ۱۴۰۴/۲/۲ - ۱۵:۶
Background image

د فاریاب ولایت مرکز کثیرالرشتوي انسټیټوټ محصلینو له لوري د عملي روزنو د زده کړو لړۍ

د روزنیزو دورو په ترڅ کې د عملي روزنو زده کړه له محصلینو سره د کار رغونې او د کار په بازار کې د کاري فرصتونو په ترلاسه کولو کې مرسته کوي. د دې روزنو اهمیت ته په پام سره، د فاریاب ولایت. . .

دوشنبه ۱۴۰۴/۲/۱ - ۱۵:۳۷
Background image

د تخنیکي او مسلکي زده کړو ادارې د اکادمیک بورد غونډه ترسره شوه

د تخنيکي او مسلکي زده کړو ادارې اکادمیک بورد غونډه د یادې ادارې د تخنيکي او مسلکي چارو مرستيال ښاغلي مولوي غلام سعيد احساس په مشرۍ ترسره شوه. د دې ناستې په پيل کې د اکادمیک بورد د تېرې. . .

دوشنبه ۱۴۰۴/۲/۱ - ۱۳:۳۳
Background image

د تعلیمي نصاب پراختیا ریاست کارمندانو لپاره روزنیز پروګرام ترسره شو

د تخنیکي او مسلکي زده کړو ادارې د کارکوونکو چارو ریاست، د جامعه المصطفی پوهنتون په همکارۍ، سره روزنیز پروګرام ترسره کړ. دا پروګرام به په کابل کې د شپږو ورځو لپاره ترسره شي، چې د تخنیکي. . .

BACK TO NEWS