د چک کثیرالرشتوي انسټيټوټ کتابتون ته د سلګونو کتابونو ډالۍ
د ميدان وردګو ولايت د چک کثیرالرشتوي انسټيټوټ تخنيکي آمریت مسوولين وايي، چې د دغه انسټيټوټ کتابتون ته سلګونه ټوکه بېلابېل کتابونه ډالۍ شوي دي.
په دغو کتابونو کې د طب، انجینرۍ، برېښنا، اقتصاد، ژورنالیزم، کرنې او ساینسي علومو په ګډون د بیلابیلو څانگو کتابونه شامل دي، چې د هېواد د فرهنګي شخصیت ښاغلي ډاکټر یحیی وردګ له خوا دغه ښوونیز مرکز ته ډالۍ شول.
د میدان وردګو ولایت د چک ولسوالۍ اړوند کثیرالرشتوي انسټيټوټ کارکوونکو او محصلینو د ښاغلي ډاکټر یحیی وردګ د دغه اقدام ستاینه وکړه.
