د پلان او ستراتیژیکي همغږۍ رئیس په کابل کې د ایران له کلتوري سلاکار سره وکتل
د تخنيکي او مسلکي زده کړو ادارې د پلان او ستراتيژيکي همغږۍ رئيس مولوي نېک محمد نېکمل په کابل کې د ايران د اسلامي جمهوريت له کلتوري سلاکار غلام حسين شېرزاد سره وکتل.
په دغه لیدنه کې د دواړو لورو ترمنځ په فرهنګي همکاريو خبرې وشوې.
په پيل کې ښاغلي نېکمل د تخنيکي او مسلکي زده کړو ادارې په هکله خبرې وکړې او ويې ويل چې دغه اداره د خپلو کلتوري برنامو په برخه کې همکارۍ ته اړتيا لري.
د ایران کلتوري سلاکار هم د دغه نهاد د فعالیتونو په اړه توضیحات ورکړل او ویې ویل، اړینه ده چې لومړی باید د همکارۍ ساحې مشخصې شی.
ښاغلي شېرزاد وويل چې په کابل کې د ايران کلتورې برخه د افغانستان له بېلابېلو ادارو سره همکاري کوي.
