د نیمروز ولایت د تخنیکي او مسلکي زده کړو مرکزونو کارمندانو ته د ظرفیت لوړولو سیمینار ترسره شو
د نیمروز ولایت د تخنیکي او مسلکي زده کړو آمریت ددې ولایت اداري اصلاحاتو آمریت سره په همکارۍ د تخنیکي او مسلکي زده کړو مرکزونو کارمندانو لپاره د ظرفیت لوړولو سیمینار جوړ کړ.
په دې سیمینار کې د نیمروز ولایت د تخنیکي او مسلکي زده کړو مرکزونو لسګونو کارمندانو ګډون درلود، چې په ترڅ کې یې نوموړو ته د ارزونې اهمیت او اصولو په اړه زده کړه ورکړل شوه.
د نیمروز ولایت د تخنیکي او مسلکي زده کړو آمریت مسولینو په وینا؛ د دې روزنیز سیمینار د ترسره کېدو موخه د کارمندانو د پوهې کچه لوړول او په دې آمرت کې د کاري چارو پرمختګ ویل شوی.
دا په داسې حال کې ده چې د تخنیکي او مسلکي زده کړو ادارې رهبري په دوامداره توګه هڅه کوي چې د ظرفیت لوړولو سیمینارونو او ورکشاپونو په جوړولو سره د یادې ادارې د کارمندانو د پوهې او پوهاوي کچه لوړه کړي.
