د ننګرهار د تخنيکي زده کړو مرکزونو د آزموينو له بهير څخه مالي او اداري چارو مرستيال لیدنه وکړه
د تخنيکي او مسلکي زده کړو ادارې مالي او اداري چارو مرستيال ښاغلي مفتي فضل الرحمن فاضل د ننګرهار ولايت يو شمېر تخنيکي او مسلکي زده کړو مرکزونو د آزموينو له بهير څخه څارنه وکړه.
نوموړي د کرنې او وترنرۍ، ادارې او حسابدارۍ، میخانیکي انسټيټونو او همدارنګه د کرنې مسلکي لېسې د آزموینو له بهیر څخه لیدنه وکړه او له محصلینو او استادانو سره یې د پوښتنو طرحه کولو او روڼتیا پر څرنګوالي خبرې اترې وکړې.
په تودو سیمو کې د تخنیکي او مسلکي زده کړو مرکزونو د کال۱۴۰۲ کال د لومړي سمسټر آزموینې د مرغومې میاشتې په دویمه پیل شوې او ټاکل شوې چې د روانې میاشتې تر ۱۵ مې نېټې دوام وکړي.
د تخنیکي او مسلکي زده کړو ادارې مالي او اداري چارو مرستیال په تودو سیمو کې د آزموینو له بهیر څخه د څارنې په موخه ننګرهار ولایت ته سفر کړی دی.
