د میدان وردګو ولایت سیداباد کرنې مسلکي لېسې د زده کوونکو د عملي زده کړو بهیر
د میدان وردګو ولایت اړوند سیداباد کرنې مسلکي لېسې د یوولسم ټولګي زده کوونکو ته د حیواني او نباتي حجراتو په اړه په عملي بڼه روزنه ورکړل شوه.
لارښود استاد د درس په ترڅ کې نوموړو ته د حیواني او نباتي حجراتو د جوړښت او داخلي اجزاوو په اړه په مفصله توګه توضیحات وړاندې کړل او د نوموړو پوښتنو ته یې هم ځوابونه وویل.
عملي زده کړې له محصلینو سره مرسته کوي ترڅو د فراغت وروسته په مستقیم ډول د کار بازار ته جذب شي.
له همدې امله د تخنيکي او مسلکي زده کړو ادارې رهبري تل هڅه کوي چې د تخنيکي او مسلکي زده کړو په مرکزونو کې د عملي زده کړو بهير لا پياوړی کړي.
