د میدان وردګو د ښوونیزو مرکزونو وضعیت د ارزونې بهیر
د تخنیکي او مسلکي زده کړو ادارې پلاوي د تخنیکي او مسلکي چارو مرستیال مولوي غلام سعید احساس په مشرۍ میدان وردګو ولایت ته سفر کړی دی.
د دغه سفر موخه د تخنیکي او مسلکي زده کړو د مرکزونو وضعیت څېړل او د دغو مرکزونو د زده کړو اړتیاوو ته د رسیدو څرنګوالي معلومول دي.
نوموړي پلاوي د میدان وردګو د تخنیکي او مسلکي زده کړو مرکزونو د وضعیت څېړلو په دوام کې. دوی د چک ولسوالۍ کثیرالرشتوي انسټیټوټ د کتابتون، ورکشاپونو او ښوونیزو وسایلو وضعیت وارزاوه.
ښاغلي مولوي احساس د دغه ښوونیز مرکز د مسؤلینو وړاندیزونه او اړتیاوې واورېدې او له هغوی سره یې همکاري ژمنه وکړه.
تر دې وړاندې هم د تخنیکي او مسلکي زده کړو ادارې پلاوي یو شمېر ولایتونو ته سفرونه کړي دي.
