د فراه ولایت د ځانګړو زده کړو په لېسه کې د ړندو«نابینایانو» روزنیزه څانګه فعاله شوه
د تخنیکي او مسلکي زده کړو ادارې په هیواد کې د لید معلولیت لرونکو کسانو څخه د ملاټر په موخه د فراه ولایت د ځانګړو زده کړو په لېسه کې د ړندو«نابینایانو» روزنیزه څانګه فعاله کړه.
ددې څانګې د فعالیدو په مناسبت جوړه شوې غونډه کې د تخنیکي او مسلکي زده کړو ادارې د لویدیځ زون رئیس او د مرکزي هستې استازو او همدارنګه د یاد ولایت یو شمیر سیمه ایزو مقاماتو هم ګډون درلود.
د تخنیکي او مسلکي زده کړو د لویدیځ زون رئیس ښاغلي مولوي ملتان ذاکر په دې مراسمو کې د وینا پر مهال وویل چې د تخنیکي او مسلکي زده کړو اداره ژمنه ده تر څو د ټولنې ټولو قشرونو ته د مسلکي زده کړو زمنیه برابره کړي.
نوموړي دغهراز زیاته کړه؛ له دې سره چې معلولین جسمي محدودیتونو لري خو بیا هم هغوی له ډیرو وړتیاوو او استعدادونو څخه برخمن دي چې که مناسب فرصت ورته برابر شي، کولی شي په ټولنه کې اغیزمن او ارزښتناک رول ولوبوي.
په غونډه کې نورو ویناوالو هم د لید معلولیت لرونکو وګړو لپاره د دې څانګې لخ جوړیدو څخه خوښي څرګنده کړه او د تخنیکي او مسلکي زده کړو ادارې له دې اقدام څخه یې قدرداني او ستاینه هم وکړه.
د یادونې وړ ده چې اوس مهال شاوخوا ۴۰ تنه ناشنوا او ۸ تنه نابینا زده کوونکي د فراه ولایت د ځانګړو زده کړو په لېسه کې پر زده کړو بوخت دي.
