د فارياب کثیر الرشتوي انسټيټيوټ د محصلينو د عملي زده کړو بهير
د فارياب ولايت مرکز د کثیرالرشتوي انسټيټيوټ د برق انجنيرۍ څانګې محصلينو ته د بريښنايي موتورونو په اړه زده کړه ورکړل شوه.
دا درسي جلسه کې، چې د فاریاب د کثیرالرشتوي انسټيټيوټ په برښنایی لابراتوار کې جوړ شوې وه، استاد محصلینو ته د درې فازه برقی موترونو د عملیې او د کارولو څرنګوالي په اړه معلومات ورکړل.
همدارنګه په دې درسي جلسه کې د برښنا په برخه کې د محصلینو ټولو پوښتنو او سوالونو ته ځواب ورکړل شو.
د تخنیکي او مسلکي زده کړو په مرکزونو کې ډیری زده کړې عملي دي او د دې مرکزونو فارغان په مستقیم ډول د کار بازار ته جذبیږي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
