د سیدآباد کثیرالرشتوي انسټيټوټ کې د عملی زده کړو بهیر
د میدان وردګو ولایت د سیداباد ولسوالۍ کثیرالرشتوي انسټيټوټ د برښنا څانګې زدهکوونکو ته د برښنایي وسایلو په اړه په عملي ډول روزنه ورکړل شوه.
په دې درسی جلسه کې دوی ته د برښنا د میترونو، فیوزونو او سویچونو د ډولونو په اړه زده کړه ورکړل شوه همدارنګه لارښود استاد په دې برخه کې د زده کوونکو پوښتنو ته ځوابونه وړاندې کړل.
د تخنیکي او مسلکي زده کړو په مرکزونو کې عملي زده کړې د یاد مرکزونو فارغانو ته لاره هواروي تر څو در فراغت وروسته په مستقیم ډول د کار بازار ته جذب شي. له همدې امله د تخنيکي او مسلکي زده کړو ادارې رهبري تل د دې ادارې په تعليمي مرکزونو کې د عملي زده کړو پر پياوړتيا ټينګار کوي.
