د سمنګان ولایت محبوسینو لپاره د فلز کارۍ لنډ مهاله حرفوي درې میاشتنی کورس پرانیستل شو
د سمنګان ولایت اړوند د تخنیکي او مسلکي زده کړو آمریت مسولین د یاد ولایت محبوسینو لپاره د فلز کارۍ څانګې لنډ مهاله روزنیز پروګرام په لاره اچولو خبر ورکوي.
د یاد پروګرام د ترسره کولو موخه له بند څخه وروسته د محبوسینو لپاره د کار زمینې برابرول او د نوموړو د اقتصادي وضعیت وده ویل شوې ده.
دغه پروګرام د سمنګان ولایت د ایبک ښار په محبس کې د تخنیکي او مسلکي زده کړو ادارې د حرفوي پروګرامونو د سمون ریاست له خوا جوړ شوی، چې ۳۲ تنه محبوسین به ورڅخه ګټه پورته کړي.
دا په داسې حال کې ده چې څه موده وړاندې د تخنیکي او مسلکي زده کړو ادارې د حکومت د رسنیو په مرکز کې د زندانونو چارو د سمون له ادارې سره د ګډو همکاریو تفاهم لیک لاسلیک کړ.
