د خان آباد د کثیرالرشتوي لیسې زده کوونکو ته د مچیو د پالنې په اړه عملي روزنه ورکړل شوه
د کندز ولایت د خان آباد ولسوالۍ کثیرالرشتوي لیسې د دولسم ټولګي زده کوونکو د مچیو د پالنې یوه فارم ته د علمي سفر په ترڅ کې د شاتو مچیو په اړه په عملي بڼه روزنه ولیده.
د درس په جریان کې لارښود استاد شاګردانو ته د مچیو د پاللو د څرنګوالي په اړه مفصل معلومات ورکړل.
د تخنیکي او مسلکي زده کړو په مرکزونو کې ډیری زده کړې عملي دي، له همدې امله د دې روزنیزو مرکزونو فارغین په مستقیم ډول د کار بازار ته جذبیږي.
