د حرفوي پروګرامونو د سمون ریاست، د ولایتونو د تخنیکي او مسلکي آمریتونو له مسوولینو سره ناسته ترسره کړه
د تخنیکي او مسلکي زده کړو ادارې اړوند د حرفوي برنامو د سمون ریاست د کابل په بادام باغ کې د ولایتونو د تخنیکي او مسلکي زده کړو آمریتونو له مسوولینو سره ناسته ترسره کړه.
په دې ناسته کې په خصوصي سکتور کې دننه د حرفوي ښوونیزو مرکزونو ثبت، ایجاد او جواز ورکونې او همدارنګه په وخت سره د لنډ مهاله حرفوي پروګرامونو لپاره د ښوونیزو بستونو د وړاندې کولو پر څرنګوالي خبرې وشوې.
د دې ناستې په دوام کې د ولایاتو د تخنیکي او مسلکي زده کړو آمرینو د حرفوي زده کړو د مرکزونو د جواز ورکونې په برخه کې خپل نظریات او وړاندیزونه شریک کړل.
دا په داسې حال کې ده چې لنډ مهاله ښوونیز پروګرامونه د تخنيکي او مسلکي زده کړو ادارې له اساسي پروګرامونو څخه دي چې تردې مهاله په سلګونه تنه ځوانان له دغو پروګرامونو څخه فارغ او د کار په بازار کې پر دندو بوخت دي.
