د تخنیکي او مسلکي زده کړو د لویدیځ زون رئیس معرفي شو
ښاغلی مولوي ملتان ذاکر په هرات ولایت کې د یوې غونډې په ترڅ کې د تخنیکي او مسلکي زده کړو د لویدیځ زون د رئیس په توګه معرفي شو او خپله دنده یې پیل کړه.
د هیواد د لویدیځ زون رئیس د معرفي کیدو په ناسته کې د هرات ولایت یو شمیر سیمه ییزو چارواکو، علماوو او د ددې ولایت د تخنیکي زده کړو مرکزونو مسؤلینو هم ګډون درلود.
په دې غونډه کې ګډونوالو د تخنیکي او مسلکي زده کړو د زونونو جوړیدل د تحصیلی او تعلیمي زمینو او فرصتونو په برابرولو کې یو نیک ګام وباله او ژمنه یې وکړه چې په خپل ټول توان سره به له دې ریاست سره همکاري وکړي.
دغهراز محترم مولوي ملتان ذاکر په مراسمو کې وویل چې په چارو کې اخلاص کول عبادت دی. نوموړي زیاته کړه چې نوموړی به په بشپړ اخلاص او مسؤلیتپالنې سره، د تخنیکي او مسلکي زده کړو د ودې او پرمختګ لپاره نه ستړې کېدونکې هڅې وکړي.
