د تخنیکي او مسلکي زده کړو ادارې مالي او اداري غونډه ترسره شوه
د تخنیکي او مسلکي زده کړو ادارې د مالي او اداري چارو معاونیت غونډه د مالي او اداري چارو مرستیال مفتي فضل الرحمن فاضل په مشرۍ او د دغه ادارې د یو شمېر رئیسانو او آمرینو په حضور کې ترسره شوه.
د دغه ناستې په پیل کې ښاغلي فاضل د مالي او تدارکاتو برخو ترمنځ پر همکارۍ او همغږۍ ټینګار وکړ او ویې ویل چې له همکارۍ پرته به د چارو پرمخ وړل به له ننګونو سره مخ شي.
په دغه کتنه کې د تدارکاتو آمر په تدارکاتي پروسو کې د شته ستونزو په اړه خبرې وکړې او د حل لارې یې وړاندې کړې.
د غونډې په دوام کې د پلټنې عالي ادارې د سپارښتنو سره سم د وجه سردستي بودجې د اسنادو په اړه بحث او لازم تصمیمونه ونیول شول.
