د تخنیکي او مسلکي زده کړو ادارې رهبري ناسته ترسره شوه
د تخنیکي او مسلکي زده کړو ادارې د رهبري ناسته د یادې ادارې د سرپرست محترم مولوي غلام حیدر شهامت په مشرۍ او د مرستیالانو په حضور سره ترسره شوه.
په دې ناسته کې د کار بازار د مهارتونو او شغلونو تثبیت طرحې، او همدارنګه د ښوونیزو مرکزونو د تشکیلاتي نورم په ګډون په بیلابیلو موضوعاتو بحث وشو.
په همدې حال کې، د تخنیکي او مسلکي زده کړو ادارې د رهبري په نننۍ غونډه کې، د هاري کاردان خصوصي انسټیټوټ ستونزو او ننګونو ته د رسیدګۍ په اړه بحث وشو او په دې برخه کې اړینې پریکړې وشوې.
د دې غونډې په دوام کې، د کارکوونکو چارو ریاست د ښوونیزو مرکزونو د تشکیلاتي نورم د څرنګوالي په اړه توضیحات وړاندې کړل، او ګډونوالو خپل نظرونه او لیدلوري هم شریک کړل.
په دې جلسه کې پر نورو اړوندو مسایلو هم خبرې وشوې، او غونډه د خیر دعایې په ویلو سره پای ته ورسېده.
