د تخنیکي او مسلکي زده کړو ادارې د رهبرۍ له خوا ټول اسلامي امت ته د مبارکۍ پیغام!
د زمري څلورویشتمه تاریخي ورځ دې ټولو مسلمانانو (پۀ ځانګړې توګه افغانو کونډو، بورو، وره رو او تنکیو یتیمانو، بلکې ټول ملت) ته مبارکه وي.
اې د اسلامي لښکر سرلارو! فدایانو، استشهادي زمریو او د سنګرونو خړو پړو غازیاتو! دا ستاسو د سپېڅلو وینو او اوسپنیزو اراده ثمره ده چې نن مو د ټولو غمجنو هېوادوالو پر شونډو تبسم مېلمه شوی او هر سړی خوشال ښکاري ؛ نو درته مبارکه دې وي.
بلې! دا همغه ورځ ده چې د شاوخوا څلوېښتو میلیونو افغانانو پۀ ګډون یې د نړۍ حدوداً دوه میلیارده مسلمانان خوشاله کړل او د افغان خویندو، میندو تر څنګ یې د ګلالیو ماشومانو خوبونه هم آرام کړل.
بلې! له نن څخه پوره دوه کاله وړاندې پۀ همدغې ورځ (د اسد ۲۴) افغان غازیان د ارګ دروازو ته را ورسېدل او د غربي اشغال ټغر یې ټول، جګړه یې ختمه او د هېواد ځوانانو ته یې علمي او کاري فرصت برابر کړ.
