د تخنیکي او مسلکي زده کړو ادارې او د روپاني مؤسسې ترمنځ هوکړه لیک لاسلیک شو
د تخنیکي او مسلکي زده کړو ادارې سرپرست مولوي غلام حیدر شهامت د روپاني مؤسسې له مرستیال محمد حمید رحماني سره هوکړه لیک لاسلیک کړ.
د یاد هوکړه لیک له مخې، روپاني مؤسسه د کابل ښار په بېلابېلو سیمو کې ۲۹۳ تنو ته حرفوي زده کړې ورکوي.
دغه زده زده کړې د کابل ښار په دریمه، اوومه، اتمه او دولسمه ناحیه کې د ترکاڼۍ، موټرو ترمیم، موبایلو ترمیم او خیاطي په برخه کې ترسره کوي.
په ورته وخت کې د تخنيکي او مسلکي زده کړو ادارې سرپرست له دغې ادارې سره د روپاني مؤسسې د همکاريو قدرداني وکړه او د دغو همکاريو د دوام غوښتنه يې وکړه.
