د تخنیکي او مسلکي زده کړو ادارې اصلاحي غونډه ترسره شوه
د تخنيکي او مسلکي زده کړو ادارې اصلاحي غونډه د کارکوونکو په ګډون او د دې ادارې د پروګرامونو د څيړنې او کيفيت د تضمين رئيس ښاغلي سيد محسن سادات په وينا جوړه شوه.
په یاد پروګرام کې نوموړي د روژې د مبارکې میاشتې او په دې میاشت کې د قرآن عظیم الشان د تلاوت پر فضیلت خبرې وکړې.
ښاغلي مفتي سادات څرګنده کړه چې قرآن کریم د خیر او برکت کتاب دی او شرط یې د قرآن پیروي او په قرآن عمل کول دي.
په همدې حال کې د پروګرامونو د څيړنې او د کيفيت د تضمين رييس وويل چې قرآن کريم د حق او باطل د توپير وسيله ده.
د غونډې په پای کې نوموړي په دغه پروګرام کې له ګډون کوونکو غړو وغوښتل چې د قرآن کریم تلاوت وکړي، عملي یې کړي او نورو خلکو ته یې ورسوي.
