د تخنيکي او مسلکي زده کړو ادارې د انګړ د پاکولو په موخه د حشر په لاره اچولی دی
د تخنیکي او مسلکي زده کړو ادارې د خدماتو او املاکو ریاست د دغه ادارې مرکزي ودانۍ د پاکولو او تنظیمولو په موخه حشر په لاره اچولی دی.
د دغه حشر په لومړۍ ورځ د اداري د مقام دفتر ریاست کارکوونکو ګډون کړی و.
د تخنیکي او مسلکي زده کړو ادارې د دفتر رئیس استاد مطیع الله هدایت په دغه حشر کې د کارکوونکو له ګډون څخه مننه وکړه.
د تخنيکي او مسلکي زده کړو ادارې د خدماتو او املاکو رئیس مفتي سيد محسن سادات هم وويل، چې د ساتنې او مراقبت لپاره د پرسونل د کمښت له امله د ادارې د کارکوونکو ترمنځ یو عمومي حشر ته اړتیا وه.
ښاغلي سادات په دغه حشر کې ګډون کول عبادت وباله او زیاته یې کړه چې د اسلام سپیڅلی دین د زیار او زحمت دین دی.
