د بلخ د ادارې او حسابدارۍ انسټیټوټ د محصلینو د دریارلسمې دورې فراغت مراسم ترسره شول
د بلخ ولایت د ادارې او حسابدارۍ انسټیټوټ د محصلینو دیارلسمې دورې د فراغت مراسم د مشرانو او علماوو په حضور کې ترسره شول.
په دغې مراسمو کې د بلخ د ادارې او حسابدارۍ انسټیټوټ آمر ګلاب الدین سراجي محصلینو ته د فراغت مبارکي وویله. نوموړي زياته کړه، چې خلکو او ټولنې ته خدمت کول د دغو فارغانو له مسووليتونو څخه دي.
ورپسې د بلخ ولایت تخنیکي آمر نورالله صلاح الدین امیني د تخنیکي او مسلکي زده کړو د اهمیت په اړه خبرې وکړې. نوموړي ټینګار وکړ چې تخنیکي او مسلکي زده کړې د ټولنې د اقتصادي ودې او پر ځان بسیاینې لپاره خورا مهمې دي.
نورو ويناوالو هم د تخنيکي او مسلکي زده کړو په ارزښت خبرې وکړې او د تخنيکي او مسلکي زده کړو د ادارې د ښوونيزو برنامو په ملاتړ يې ټينګار وکړ.
دغه مراسم فارغانو ته د تصدیق پاڼو په ورکولو سره پای ته ورسیدل.
