د بزګرانو لپاره د کرنیزو ادویه جاتو جوړول
د تخار ولایت اړوند د تخنيکي او مسلکي انسټيټوټ استادانو د یو اقدام په ترڅ کې د تخار ولايت بزګرانو لپاره کرنیز ادویه جات توزیع کړل.
په یادو ادویه جاتو کې "د ژمي تېل«غوړي» او بوردو میکسچر" شامل دي چې د تخار د تخنیکي او مسلکي انسټيټوټ د یوه استاد له خوا تولید شوي دي.
د تخار د تخنیکي او مسلکي زده کړو آمریت د مسوولینو په وینا، دغه استادان هڅه کوي، چې د فرخار په ولسوالۍ کې د دغو ادویه جاتو د وېشلو لړۍ پراخه کړي، ترڅو کروندګر په خپلو کروندو کې د کرنیزو آفتونو له خپرېدو مخنیوی وکړي.
