د افغان ټکنالوژۍ په انسټیټوټ کې د لمریزې برښنا او خیاطۍ لنډ مهاله کورس پیل شو
د افغان ټکنالوژۍ په انسټیټوټ کې د تخنیکي او مسلکي زده کړو ادارې د حرفوي برنامو د سمون ریاست له لورې د خیاطۍ او د لمریزې برښنا (سولر) سیسټم لنډه مهاله روزنیز کورس پیل شو.
په پام کې ده ،چې په يادو څانګو کې زده کوونکي د درې مياشتو په موده کې په عملي ډول د خياطۍ او د لمريزې برښنا (سولر) سيستم په برخه کې وروزل شي.
د دغه برنامې د پرانېستې په مراسمو کې د حرفوي برنامو د سمون رئيس ښاغلي عبدالودود هوتک وويل، چې او حرفه او مسلک د پېغمبرانو ميراث دی او له زده کوونکو يې وغوښتل، چې له دغه تعليمي فرصت څخه اعظمې ګټه پورته کړي.
