د اطلاعاتو او کلتور وزارت سرپرست د تخنیکي او مسلکي زده کړو رئیس سره وکتل
د اطلاعاتو او کلتور وزارت سرپرست ملا خیر الله خیرخواه په خپل کاري دفتر کې د تخنیکي او مسلکي زده کړو رئیس مولوي غلام حیدر شهامت سره وکتل.
په پیل کې ښاغلي مولوي غلام حیدر شهامت پر خپلو فعالیتونو، نوښتونو او نوو تخنیکونو رڼا واچوله او زیاته یې کړه، چې په ګډه همکاري به موږ د لا نورو پرمختګونو شاهدان واوسو.
ورپسې د اطلاعاتو او کلتور وزیر د تخنیکي او مسلکي زده کړو وروستي پرمختګونه او نوښتونه وستایل او په خپل اړوند برخه کې یې د هر راز همکارۍ ډاډ ورکړ.
