د سرپل ولایت کرنې او وترنرۍ انسټيټوټ د محصلینو له لوري د لبنیاتو پروسس او تولید
د سرپل ولایت اړوند کرنې او وترنرۍ مسلکي انسټيټوټ د کرنې څانګې محصلینو ته د یاد ولایت په مرکز د یوې درسي او علمي سفر په ترڅ کې د لبنیاتو تولید پروسس د څرنګوالي په اړه روزنه ورکړل شوه.
دغه راز لارښود استاد په همدې درسي جلسې کې نوموړو ته د لبنیاتو او د مستو، قیماق او غوړي پروسس کولو په شمول د بیلابیلو لبني محصولاتو د تولید او پروسس کولو د څرنګوالي په اړه په عملي بڼه توضیحات وړاندې کړل.
همداراز محصلینو هم په یادې درسي جلسه کې خپل نظرونه او پوښتنې له اړونده استاد سره شریکې کړې.
د تخنیکي او مسلکي زده کړو په مرکزونو کې د زده کړو لویه برخه عملي ده. له همدې امله یادو مرکزونو زده کوونکي له فراغت وروسته په بازار کې دندې ترلاسه کوي.
