د تخنیکي او مسلکي زده کړو د مرکزونو د ګمارنې آزموینې په اړه د اداري اصلاحاتو ادارې له مسوولینو سره د مولوي شهامت خبرې اترې
د تخنيکي او مسلکي زده کړو ادارې سرپرست مولوي غلام حيدر شهامت د اداري اصلاحاتو او ملکي خدمتونو ادارې له مسوولينو سره د تخنيکي او مسلکي زده کړو په مرکزونو کې د استادانو بستونو لپاره د ګمارنې آزموينې د تر سره کېدو په اړه خبرې اترې وکړې.
ښاغلي شهامت په دې آزموینه کې پر روڼتیا ټینګار وکړ او ویې ویل، چې عدالت دې تأمین او کار دې اهل کار ته وسپارل شي.
د تخنيکي او مسلکي زده کړو ادارې سرپرست زياته کړه، چې د تخنيکي او مسلکي زده کړو په مرکزونو کې د غير مسلکي کسانو ګمارل ښه پايله نه لري.
د اداري اصلاحاتو او ملکي خدمتونو ادارې مسوولينو د تخنيکي او مسلکي زده کړو د مرکزونو د استادانو د ګمارنې په آزموينه کې د روڼتیا د رامنځته کولو په اړه ډاډ ورکړ.
